EBALUAZIOA

Ebaluazio honen bidez egin dugun lanari buruz hausnartu dugu, eta ohartu gara lehenengo egunetik zenbat aldatu eta eboluzionatu dugun, gehien bat plastika landu eta ikusteko dugun moduan.
Hasieran nola etorri ginen pentsatzen jarri ondoren ohartu gara, ez genekiela zer ezagutuko genuen plastikako ikasgaian. Orain arte egin duguna, bai eskolan bai eskolatik kanpo eskulanetan zentratuta zegoela esan daiteke. Ez geunden ziur hemen ere ildo beretik jarraitu behar genuen edo erabat teorikoa izango zen. Izan ere, lehen esan bezala orain arte ikusitakoa edo ikasitakoa hori izan da.
Baina gure harridurarako hemen egindakoa erabat desberdina izan da. Oso praktikoa egin dugu, guk ikasitakoari buruz eta orain arte landutakoari buruz hausnarketa sakon bat egin eta buelta eman nahi izan diogu ezagutzen genuenari. Hankaz gora jarri orain arte nahi gabe jasota genituen aurre ideiak, hori teknografia bidez egin dugu eta egia esan oso baliogarria suertatu zaigu guk nola ikasi dugun eta nola ikastea gustatuko litzaigukeen ikusteko.
Bestalde, alde teorikoa ere landu dugu, bai Artelekun baita marrazkien azterketarekin ere. Beste irakasgaiekin erlazionatu dugu, musikarekin adibidez, musikograma egitean, eta beste errealitate batzuk ezagutu ditugu Bartzelonako Arte Ederreko ikasleekin elkartrukea burutzean, edo Mikel Laboaren proiektua lantzean.
Egia esan taldean hitz egiten aritu gara eta ikasgaia benetan baliogarria ikusi dugu, denetik landu dugu eta horri esker plastika lantzeko beste modu batzuk daudela ere ikusi dugu. Gure ikuspegiak aurrera pausu handi bat eman duela esan daiteke, beraz, mila esker besterik ezin dugu esan!

Mikel Laboaren proiektua ia bukatuta

Aste honetan Mikel Laboaren lanarekin ibili gara. Asteartean kolaxari beste forma bat ematen saiatu ginen, eta aurretik genituen bi horietatik aparte, beste bi egin genituen. Ostiralean, berriz, lau kartulina zaitiei forma ematen edo jarraipen bat ematen saiatu ginen, eta honekin batera, Estitxuk hasieran esan zigun bezala, fondoko kolorea difuminatzen ibili ginen. Orain logika gehiago dauka aurreko astekoa baino. Baina oraindik ez dugu bukatu eta azken “retokeak” gelditzen zaizkigu, hau da, dena kartoizko xaflan pegatu eta denen artean lotura bat ezartzea.

Honekin batera, gure bideoaren link-a jarriko dizuet, nahi izanez gero ikus dezazuten.

http://elkarrikertuz.ning.com/profile/IratiCerratoRuiz

Mis videos-en dago. Ea gustatzen zaizuen!

Animo ya azkeneko txanpan gaudela!!

2010/05/18-2010/05/21

Gure plastikako saioei dagokienez aste honetan programatuta genuen lanarekin jarraitu dugu aurrera:

Asteartean, bideoa egiteko erabili dugun portatila ekarri genuen, izan ere teknografiarekin zenbait arazo izan genituen. Gure bideoan azalpen batzuk ahotsarekin genituen grabatuak, narrazio moduan kontatzen genuen gure istorioa. Baina, dirudienez ez genuen ondo grabatu edo audioa ez zen bereziki ona, beraz, ez zen ondo entzuten eta aurkezpenerako ez zen bereziki txukun geratzen. Hori dela eta berriro egin genuen lan bideoarekin, audio hori kendu, musika kontserbatu eta hitzez esaten genuena idatziz jarri genuen, subtitulu moduan. Azkenean bukatu dugu bideoa!!!!!!!! Gure lanaz arro gaude, gustura geartu gara egindakoarekin. Gero gelan jarri genuen besteek gure lana ikus zezaten.
Bestalde Mikel Laboaren proiektuari forma ematen hasi gara, eta egin behar dugun collagerako erabiliko ditugun argazkiak aukeratzen.

Ostiralean, Mikel Laboaren proiektuarekin jarraitzen dugu lanean, argazkiak mozten ditugu eta hauek nola konbinatuko ditugun begiratzen goaz, bai beraien artean bai eta itsatsiko ditugun kartulinarekin. Argazki gehiago bilduz goaz eta nola “txertatu” frogatuz. Baita letrak moztuz aldizkari eta abarretatik eta hauek nola konbinatuko ditugun frogatuz goaz horrela abestiaren letra nola jarri dezakegun frogatuz, momentuz dena frogak dira baina jada gure proiektua forma hartuz doa.

Maiatzak 11 eta maiatzak 14

Asteartean Mikel Laboaren proiektuarekin jarraituz musiko grama bat egin genuen, lehen bizi ez nau hizutzen negu hurbilak abestia entzun genuen eta hura entzuten genuen bitartean nor berak bere marrazkia egin zuen kartulina batean, horretarako tenperak erabiliz. Ondoren ikaskide guztion adierazpenak bildu eta bakoitzak bere, aurretik prestatu genuen pentagraman kokatu zuen bereari egokion zekiola uste zuen tokian.
Ondoren bigarren musikograma bat egin genuen Mikel Laboaren beste abesti batekin eta honekin ere aurrekoaren prozedura bera jarraitu genuen.

Ostiralari dagokionez Mikel Laboaren proiektuarekin jarraitu genuen, eta berari buruzko lana egiteko ideiak azaldu genituen taldekiodeon artean, azkenik zera ondorioztatu genuelarik, kolax bat egingo dugula Mikel Laboaren abesti baten inguruan. Zerbait fisikoa egin nahi genuen, beste bideo bat baino tentagarriagao baitzen guretzat eta horretan ginela kolaxaren ideaia agertu zen. Kolaxarekin hastean Mikel Lboa orokorrean errepresentazekotan ginen baina azkenean bere abesti baten inguruan egingo genuela erabaki genuen.

Maiatzak 4 eta Maiatzak 7

Astearteari dagokionez, zenbait zeregin bete izan genituen. Klasea hasterakoan, Mikel Laboaren “Izarren hautsa” abestia entzun genuen. Hau entzuten genuen heinean, margoekin orri txuri batean marrazkiak egin ditugu abestiak sortzen digun sentimendua adieraziz. Abesti hau entzun eta paperean islatu ondoren, Ken 7-k egindako bertsioa entzun genuen, eta berriz ere, abesti honek sortzen zigun sentimendua adierazi genuen paperean. Horrela, 2 abestien interpretazio desberdinak islatu genituen.

Hau egin ondoren, Artikulu bat irakurri genuen “Euskal Artearen (kulturaren) elkar kontzientzia sortzen”.

Ostiralari dagokionez, gure bideoari azkeneko pintzeladak eman genizkion, horrela, bideoari amaiera emanez.

Apirilak 27: Katalanekin bigarren bideokonferentzia.

Lehengo asteko asteartean, bigarren aldiz katalanekin bideokonferentzia izan genuen. Bertan, aurrekoa baino lasaiago hitz egin eta parte hartu ondoren, hainbat gai jorratu genituen. Baina ia denbora gehiena gai berdinakin aritu ginen: irakasteko moduak aldatu behar direla. Baina arte ederretako baten galderari esker pentsatzen jarri ginen eta konturatu ginen hori esatea oso polita dela, baina gero praktikan jarri behar dela. Beraz, gure buruak gai horri buruz pentsatzen jarri ondoren gure elkarrizketa bukatu zen.

umeen marrazkien azterketa

Lan hau egiteko, bi talde egon gara batera, beraz, lan berdina bi blog desberdinetan ikusi dezakezue.






1.- Gure ustez, lehenengo marrazkia egin duen umeak karabaketa desordenatuaren etapan kokatzen da. Izan ere, marrak deskontrolatuak daude. Hala ere, aipatu beharra dago, kolore desberdinak erabili arren, marrak nahiko antzekoak direla eta ez dituela koloreak aldatzen forma ezberdinak adierazteko.

Dirudienez, haurrak ez du bere indarra kontrolatzen marrazkia egiterakoan, marra gehienak oso fuerte baitaude.


2.- Ume hau etapa aurreskematikoan kokatzen dugu, nahiz eta fase eskematikoko zenbait ezaugarri dituen ( errepikapena, adibidez). Formak desberdintzen dira, gorputz atalak proportzionalki eginak daude, koloreei ez die hainbesteko garrantzia ematen erabilitako koloreak berdintsuak direlako.

Hala ere, garrantzitsua iruditzen zaigu izkina batean aurkitzen diren karabatuak aipatzea. Honek, aurreko etapako ezaugarri nabarmen bat erakusten du.

2010-04-20 ---- 2010-04-23

Pasa den aste honetan buru belarri aritu gara gure teknografia lantzen eta azken ukituak ematen. Teknografia honetan plastikaren inguruan hausnarketa bat egin behar genuen, zer ikasi dugun, zer lantzen den orain eskolan, eta egoera hau aberasteko zer egin dezakegun.
Asteartean gure bideoa osatzeko erabili dugun bigarren zatia grabatu genuen unibertsitateko gela batean. Bideo zati honekin guk eskolan, orokorrean ikusten dugun egoera islatu nahi genuen. Bertan, saiatu ginen oraindik mugak daudela ikustarazten eta erakusten haurrek askotan ez dutela jakiten zer egin orri zuri baten aurrean. Aldi berean, bideoari lagunduko dion “voz en off” grabatu genuen. Egindako bi grabazio hauek bai irudizkoa eta baita ahotsezkoa ere orain arte eginiko lanarekin josi genituen. Azkenean ikusiz goaz gure bideoa forma eta itxura polita hartuz doala!!!!!!!!!!
Ostiralean, Estitxu falta zenez, ordenagailu asko dituen gela utzi zigun bideoarekin aurrera jarraitzeko. Guk gure lanean jarraitu genuen eta bideoari azken ukituak eman genizkion. Gure hausnarketak islatu nahi izan genituen bideoaren azken atalean, hausnarketa hauek gaur egungo egoera aberasteko zer egin dezakegun esaten dute. Horretarako bideoan argazki mordo bat txertatu eta lagunduko dien musika aukeratu genuen, bideoa bukatutzat emanaz. Lan gogor baten ostean azkenean, emaitza ikus dezakegu!!!!!

2010/04/13-2010/04/16

Asteartean, Bartzelonako arte ederretako ikasleekin bideokonferentzia bat egiteko aukera izan dugu. Bideokonferentzia egin ahal izateko lehenago hainbat galdera landu ditugu ikasgelan bertan, ondoren hauei buruz eztabaidatu ahal izateko. Galderak batez ere, geure identitateari buruz izan dira, ea guk arte ederretako ikasleak nola ikusten ditugun, haiek gu, hau da, Haur Hezkuntzako irakasleak nola ikusten gaituzten, arte ederren inguruan eta Haur Hezkuntzako irakasleen inguruan zein topiko dauden,… horrelako gaien inguruan solastea zen intentzioa.

Esan beharra dago ez ginela oso eroso sentitu bideokonferentzia egiteko orduan, izan ere, Aste Santuko oporren bueltan lehen saioa izan dugu asteartekoa eta hori nabaritu egin da, izan ere, Bartzelonakoek ederki prestatua zuten gaia, eta guk aldiz ez dugu horretarako aukerarik eta denborarik izan.
Bartzelonakoen hitz jarioaren aurrean txiki sentitu gara, zer esan ez dakigula. Hementxe nabaritu ahal izan dugu0 beraiek ederki prestatua zutela eta guk ez dugula horretarako paradarik izan. Gainera, zenbaitentzat lehen aldia izan denez bideokonferentzia bat egiten genuela horrek ere urduritasuna azalarazi du.

Hala ere, badirudi, Bartzelonakoak gustura geratu direla esperientzia berri honekin, horregatik beste saiotxo bat egiteko intentzioa dugu, ea nola irteten den oraingoan!


Ostiralari dagokionean, geure bideoa muntatzen jarraitu dugu horretaz gain, bideoaren bigarren eta hirugarren zatien ideiak nola burutu ere pentsatu dugu. Bigarren zatia, hau da, momentu honetan non gauden adierazteko, geure ideia, bideoa grabatu ahal izateko geuk antzeztea izan da. Lehenbiziko momentu batean haurrak grabatzea otu zitzaigun arren, ez zuela pena merezi ohartu gara eta azkenean geure aurpegiak azaltzen ez diren bideo bat grabatuko dugu, inpertsonalagoa izan dadin.

ARTELEKU

Ostiralean, Martxoaren 12an, Arteleku-ra joan ginen bertan egiten den lana ikustera eta atal bakoitzeko ezaugarriak ezagutzera. Behin eraikin guztia ikustean eta gela guztiak aztertu ostean, liburutegira joan ginen.

Guri tokatutako gaia, Ikus Entzunezko Sorkuntza izan zen, hortaz, liburutegiko atal honetara jo genuen liburu desberdinak aztertzeko asmoz. Hauei esker, Haur Hezkuntzan Ikus Entzunezko Sorkuntza lantzeko zenbait ideia bururatu zitzaizkigun. Hona hemen gure ideiak:

1.- Haurrei ipuin bat kontatu irudi desberdinak aurkeztuz. Baina irudi hauetan, ez dira animaliarik ez pertsonarik agertuko, bakarrik, paisai bat. Horrela, ipuin kontaketaren bidez eta irudiak ikusiz, beraiek izango dira ipuinaren protagonistak sortzeko arduradunak.

Ideia hau burura etorri zitzaigun, bereziki, liburu bat ikusten ari ginenean: CAMPS, Angels (2.003) “Emmanuelle”

2.- Metodo antzekoa jarraituz, pentsatu genuen haurrei argazki desberdinak aurkeztea (pertsonak, paisaiak…). Honekin batera, musika bat jarriko genieke, horrela, beraien irudimena landuz. Ideia hau bururatu zitzaigun Chris Cunningham-en liburu bat ikertzen ari ginenean.

3.- Bigarren ideia honen oso antzekoa da, hau da, musika jarriz, haurrei pertsonen aurpegien argazkiak erakustea. Horrela, pertsonen emozioak, sentsazioak… jasoz eta musikarekin lotzeko gaitasuna landuz. Ideia hau, Candize Breitz-en liburu bat (Multiple expasure) ikustean bururatu zitzaigun.

4.- Haurrek marrazkiak egitea edo argazkiak ateratzea musika entzuten duten bitartean, horrela, irakasleok ezagutuko genuke haur bakoitzak zer sentitzen duen musika mota desberdinak entzutean.

5.- Bukatzeko, laugarren ideiaren teknika bera jarraituz, musikarekin haurrek bideoak nahi duten bezala lantzea litzateke.

5. Astea

2010/03/09

Plastikako saio hau hasteko, bideo bat ikusi dugu. Bideo honetan, haur batzuk estruktura erraldoiak eraiki dituzte Richard Serra-ren lanak oinarritzat hartuz. Richard Serra Guggenheim museoan zenbait lan ditu, zehazki laberinto moduko estrukturak, beraz, Haur Hezkuntzako haur hauek “berdina” egiten saiatu dira paperarekin. Horrela, haurrek nahi zuten erara margotu egin dituzte estruktura erraldoiak.

Ondoren, beste bideo bat ikusi dugu Haur Hezkuntzako ikasle batek praktika garaian egindakoa. Honetan haur talde bat txango batean zegoela ikusi dugu, zehazki Getariako hondartzan, eta haurrek ikusten zuten paisaia marraztu egin zuten nahi zuten bezala. Interesgarria izan da ikustea haurrek modu desberdinetan pertzipitzeko gaitasuna eta marrazkia azaltzeko bakoitzak erabiltzen zituen teknika desberdinak.

Behin bideoak ikusita, ostiralean egingo dugun txangoari buruz zenbait aipamen egin ditugu. Esaterako, bertan zer ikusiko dugun, non dagoen kokatuta eta abar. Hala ere, txangoaren zehaztapen guztiak hurrengo idatzian aurkeztuko ditugu.

Klasea bukatzeko, gure bideoa lantzen jarraitu dugu. Horretarako, gure txikitako zenbait argazkiei bideoa eta argazkia atera diegu. Honen ondoren, Windows Movie Maker-ekin lan egiten saiatu gara, baina formatua izan dela eta, ezin izan dugu, beraz, oraindik bideoaren montaketa falta zaigu.

4. Astea

2010eko martxoaren 2a
Gaur plastikako saioa bi zatitan banatu dugu, lehen zatian aurreko egunerako irakurri beharreko testuaren inguruan sortutako ideiak eztabaidatu ditugu denon artean. Gelan elkartu garen taldeen artean atera genituen ideiak komentatu ditugu, egindako hausnarketa eta blogean idatzitakoa. Gure eztabaida-debate horretatik oso ideia interesgarriak atera ziren, hona hemen horietako batzuk:
- Plastika, orain arte egin ez den bezala, gehiago lotu beharko litzatekeela errealitatearekin.
- Plastikarekin eskulanak soilik erlazionatzea oker dagoela eta haratago joan behar garela.
- Plastika ulertu ahal izateko baliabide gehiago eman behar direla, adibidez margotzeko erabiltzen diren teknika desberdinak denboran eta momentuko gizartearekin erlazionatuta azaldu behar direla zentzua izan dezaten.
Saioaren bigarren zatian gure bideoa grabatzeari ekin genion, horretarako genuen material guztia bildu genuen lau taldekideon artean eta aurretik egindako gidoiari jarraituz sekuentzi desberdinak grabatu genituen. Horretarako plastikako gelako materiala gordetzen den biltegiaz baliatu ginen, izan ere laku ilun baten beharra genuen, ganbara baten itsura izateko eta biltegi hau ezin aproposagoa zen. Beraz, horretan igaro genuen saioaren bigarren zatia, gure bideoari gorputza ematen.

2010eko martxoaren 5a
Gaurko plastikako saioa unibertsitatetik at egin dugu, izan ere gaur Koldo Mitxelanan jarrita dagoen erakusketa bat ikustera joan gara.
Koldo Mitxelenara iritsi garenean hitzaldi bat eman digu bertako arduradunak. Hitzaldian kontatu digu bertan ze talderekin egiten duten lan, nola lantzen duten arte garaikidea ze nolako erakusketak izaten dituzten, nola lantzen dituzten, nola prestatzen duten material pedagogikoa eta bera zer nolako euskarriz baliatzen den hauek lantzeko. Adierazi digunez Koldo Mitxelenara ezin dira 11 urtetik berako haurrak sartu beraz, HHko haurrentzako sarrera ez dago onartua. Dena dela, web gune interesgarri asko eman dizkigu artea haurrekin nola landu dezakegun ikusteko eta beste lekuetan nola lantzen den jakiteko.
Ondoren, erakusketara joan gara, Process in Dialoge. Erakusketa honetako komisarioa Cecilia Andersson da eta bi artisten obra azaltzen zaigu: Daniel Canogar eta Stephen Dean. Erakusketa honetako puntu deigarri bat da, ez dela azken obra erakusten baizik horretara iristeko prozesua.
Batek bere burua pintoretzat du eta bere obrak egin ditu koloreekin jolastuz, ez ohituta gauden bezala lientzo baten gainean, material desberdinak nahasiz baizik, bideoak, kristalak, argiak….
Besteak, aldiz, gizakiak dena botatzearekin, dena berria nahi izatearekin eta azkenean kate amai ezin horren barruan egoteari buruzko hausnarketa egiten zuen bere obraren bitartez.
Taldeko guztiak ados egon garen puntu batera iritsi gara: ikusitako erakusketa komentatzean, azaldu ez baligute ez genukeela ezer ulertuko. Izan ere, artearen eta pentsamoldeen inguruan oso hezkuntza gutxi dugu eta gure kabuz esposiziora joan eta ikusiko bagenu, ez genukeela ezer ulertuko uste dugu.

3. ASTEKO JARDUNA

Aste honetan gure autobiografia egiten jarraitu ahal izateko egingo dugun bideoaren gidoia egin dugu. Gidoia oraindik ere ez da erabat zehatza baina gutxi gorabehera honetan geratuko litzateke: Gure ideia gure haurtzaroko plastika garaian eginiko lanak ganbara batean ikustea izango litzateke. Norbait ganbara batera sartzen da eta bertan izara bat topatzen du berau altxa eta objektuak ikusi ahalko dira, ondoren pertsona hori pentsatzen hasten da eta une honetan gure argazkiak ikusi ahalko dira eta baita zenbait eskulan eta abarren argazkiak ere. Hau Haur Hezkuntzako etaparekin, Lehen Hezkuntzakoarekin eta Bigarren Hezkuntzakoarekin egingo dugu. Ondoren ganbarako atea irekiko da eta pertsona hori bere pentsamenduetatik irtenaraziko du argi izpi horrek, horretaz gain argi izpi horrekin interpretatu nahi duguna gaur egungo egoera da. Ea gaur egun zer gertatzen den sormenarekin, non geratu den orain gure sormena. Azkenik bideoarekin amaitzeko gaur egun gure sormena zertan geratu den azaltzeko egiten jarraitzen ditugun objektuen argazkiak jarriko ditugu.

Bideoaren gidoia egiteaz gain aste honetan bideoan itsatsi behar ditugun argazkiak ateratzen aritu ginen eta horretaz gain musika aukeratzen ere bai, bestetik eskaneatu behar genituen orriak ere eskaneatu genituen.

Bestetik aste honetako ordua irakasleak bidalitako irakurgaiak irakurtzeko aprobetxatu dugu eta horiei buruz egin behar zen hausnarketa egiteko ondoren gure blogean idatzi ahal izateko

Zer gehiago egin daiteke plastikan zuen hezkuntza historian landu ez zenituztenak?

Gure artean hizketan aritu ondoren, erabaki dugu bai Haur Hezkuntzan bai Lehen Hezkuntzan ere, askatasun gehiago utzi behar zaiela haurrei beraien ideak aurrera eramateko. Testuan irakurri dugu garapen artistikoa ez dela bakarrik heldutasunarekin batera automatikoki lortzen, baina iruditzen zaigu gaur egun eskoletan gero eta zehaztuagoak edo zuzenduagoak ematen zaizkiela. Horregatik, eta gehienbat Lehen Hezkuntzari begira, proposamenetako bat iruditzen zaigu sormena landu ahal izateko orri handi bat jarri eta margotzeko material guztiak beraien eskura jarri eta bakoitzak nahi duena marraz dezala utziko genieke. Izan ere, horrela, Haur Hezkuntzako askatasuna berreskuratuko lukete. Baina, gure artean hitz eginda konturatu gara Haur Hezkuntzan ere gero eta askatasun gutxiago dutela. Gutako batek, guk proposatutako ariketaren antzeko bat ikusi zuen eskola batean. Ume txikiak ziren, eta nahiz eta orri handi eta zabal baten aurrean egon eta nahi zuten material guztia eskura izan, bakoitzak aurrean jada marraztuta irudi ezberdin bat zuen eta espazio mugatu bat. Haur bakoitza berean soilik zentratu behar zen.

Helduagoei begira, guri gustatuko litzaiguke, iragarki, komiki eta abarrez gain, ikus-entzunezko mundua gehiago ezagutzeko adibidez zineman ere zentratu gintezkeela, eta erabiltzen dituzten efektu espezialen nondik norakoak ezagutu, eta aztertzeaz gain, sortzea ere ez litzatekeela gaizki egongo iruditzen zaigu. Honekin batera, arropen munduan ere murgildu daiteke. Esaterako, telekin konbinaketa desberdinak egin, prenda desberdinak josiz, etab.

Zer garaiko eraginak jaso genituen gure ustez?

Testua irakurri eta hausnartu ondoren, gure taldean denetarik dagoela ikusi dugu. Izan ere, gutako batek, LGE-ko hezkuntza sistemaren arrasto gehiago jaso zituen bere plastikako saioetan, nahiz eta garaiagatik LOGSE sistema jarraitzeko aukera ere bazuen. Besteok, berriz, 1990-ko LOGSE-ko hezkuntza legedia landu genuen. Oraindik gogoan dugu guk sortu genituen kartel, komiki, collage, diseinu desberdinak… Aldi berean, gogoratzen gara telebista eta ikus-entzunezko komunikazioak landu genituela, iragarki mordo bat aztertu baikenituen. Aipatu dugun LOGSE-ko garaia DBH aldian zentratu gara, hori baita gertuen geratzen zaiguna.

Haur Hezkuntzan eta Lehen Hezkuntzan, marrazki eta eskulanetan zentratzen ginen. Haur Hezkuntzan gehienbat marrazkiak egiten genituen eta Lehen Hezkuntzan, berriz, eskulanak. Pentsatzen dugu gure adinagatik LOGSE-ko legea jarraituko zutela, baina ez dugu halako xehetasunekin gogoratzen.

Bestalde, aipatzekoa da irakasle bakoitzaren arabera materia oso desberdina lantzen genuela eskolan, izan ere, gutako batek nahiz eta LOGSE-ko legedia jarraitu, LGE-ko materia ematen zuela gogoratzen du. Aldi berean, konturatu gara artea eta honen espresio moduak eta autoreak gizarte ikasgaian ikasi genituela eta ez plastikan. Ikasgai honetan, besteek eginiko lanak aztertu baino guk sortu behar genituen.

BIGARREN ASTEA: AUTOBIOGRAFIA ETA BIDEOAREN HASIERA

Aurreko astean gure autobiografiarekin hasi ginen. Honetarako, gure plastikako oroitzapenak gogoratu behar izan genituen. Hasieran, pixkat kostatu zitzaigun, baina pixkanaka, denok gure autobiografia idatzi genuen. Gurea idazteaz gain, artikulu bat irakurri genuen. Artikulu honen oinarria beste batzuen autobiografiak ziren, eta ausnartzera bultzatu gintuen. Honela, autobiografiak oso garrantzitsuak direla ikusi ahal izan genuen plastika nola lantzen genuen ikusteko, eta zerbait aldatu nahi badugu, egiten genuenetik abiatu behar gara.

Honela, taldeko guztiak autobiografiak egin ondoren, amankomunean genituen gauzak apuntatu genituen eta denok antzeko gauzak egiten genituela ikusi genuen, eta taldeko lauak nahiko gustora aritzen ginen gaietako bat zela ohartu ginen. Beraz, hurrengo saiorako, ikastolan plastikan egindako hainbat material eraman genituen klasera. Material eta autobiografiekin, bideoaren “Nondik gatoz?” atala osatu behar dugu. Baina gure bideoarekin hasi aurretik, aurreko urteko beste bi bideo ikusi genituen, ideia bat egiteko eta nolakoa izan behar den ikusteko..Beraz, bi bideoak ikusi ondoren, gure bideoari forma emateari ekin genion. Hasieran zaila izan zen nola egin pentsatzea, baina, behin ideia bat bururatzean, gidoitxo bat prestatu genuen. Bideorako eramandako materialetatik zeintzuk erabiliko genituen eta zeintzuk esan adostu eta batzuk falta zitzaizkigula ikusi genuen, batez ere Haur Hezkuntzakoak. Eta honekin, gure asteko bigarren saioa bukatu zen.

¿Qué está pasando? Hacia dónde va la formación inicial y permanente

Artikulu honen bidez, Fernando Hernandezek (Bartzelonako Unibertsitatearen irakaslea) irakaslea izateko jaso duen prestakuntza guztia azaltzen du. Hala ere, bere hasierako prestakuntzaz gain, beste kurtso, ikastaro, proiektu… batzuk egin ditu, izan ere, honek etengabeko prestakuntzaren garrantzia defendatzen du. Ezin gara daukagun informazioarekin bakarrik gelditu, gizartea berritzen den heinean, guk ere teknika berri eta informazio berria jaso behar dugu. Horregatik, egileak irakasleon prestakuntza gaiaren inguruan kezka handia aurkezten du, berritze hori ikusten ez baitu.

Gai honen inguruan, aipatu nahi genuke, Finlandiaren hezkuntza sistemaren funtzionamendua arreta asko deitu digula, izan ere, ez genekien bertan irakasle prestakuntzak horrenbesteko garrantzia zuenik. Hori dela eta, irakasleek batxilergoaren bataz bestekoa bederatzi bat baino gehiago eduki behar dute eta borondatezko ekintzatan edo ekintza sozialetan parte hartu behar dute. Hau nahikoa izango ez balitz, enpatia, komunikatzeko gaitasuna eta jarrera soziala ere kontuan hartzen dira. Hortaz, esan nahi genuke, honen atzean Finlandiako hezkuntza sistemak defendatzen duen helburua argi ikusten dela, izan ere, hauen ustez “ezin ditugu gure haurrak edozeinen esku utzi”, horregatik, irakasleen prestakuntzan hau guztia ezinbestekotzat jotzen dute.

Finlandiako irakasleen prestakuntza hau ikusi ondoren, gure ustez, hasiera batean hemen jasotzen dugun formakuntza ez da nahikoa izaten. Hau da, irakasleok teorikoki informazio asko menperatzeaz gain, egoera batzuen aurrean parte hartzeko zailtasunak izaten ditugu, izan ere, teoria horretaz aparte ez ditugu beste alderdi batzuk lantzen, esaterako, alderdi emozionala. Azken hau ezinbestekoa dela uste dugu, azken batean, pertsona guztiak honen arabera jokatuko baitugu.

Beste alde batetik, aurkeztu nahi genuke gure erabateko adostasuna testuan aipatzen den ideia batekin; “irakasleak informazio asko eduki arren, transmititzen ez badaki, haurrek jasotako hezkuntza ez da esanguratsua izango”. Ideia honen aurrean, ez daukagu zer esan askorik, izan ere, esan bezala, gure ustez irakasle batek daukan informazioa transmititzen jakin behar du, bestela ez da izango hezitzaile on bat.

Bukatzeko, aipatu nahi genuke, oso garrantzitsua iruditzen zaigula bai hasierako prestakuntza bai etengabekoa lantzea. Hortaz, irakasle batek etengabe egon behar du bere informazioa osatzen eta berritzen, izan ere, gu izango gara etorkizuneko belaunaldien eragile nagusienak.

¿Matan las escuelas la creatividad? (bideoa)

Bideo honetan, aipatzen diren zenbait puntu harritu gaituzte, izan ere, gaur egungo ikasleok hezkuntza sistema aurkezten diguten bezala ulertzen dugu, beraz, bideoan azaltzen diren zenbait ideia ez ditugu inoiz pentsatu.

Esaterako, kreatibitatea hezkuntza bezain garrantzitsua dela esaten da, hau da, haurrek sormena lantzearen garrantzia azpimarratzen du, zoritxarrez, hau hezkuntzaren bidez gutxi garatzen delarik. Honen arrazoi aipagarrienetako bat akatsak egiteari beldurra da. Txikitatik esaten digute akatsak ez direla egin behar, hortaz, ez dugu gure irudimenean ditugun gauzak egiten, azken batean, akatsari diogun beldur hori irudimena mugatzen baitigu. Ideia honek pentsarazi egin digu, izan ere, nahiko identifikatuta sentitzen gara puntu honekin. Batez ere, gaur egun, ez dakigulako irudimena erabiltzen, edo nahiko mugatua dugulako; eta hau, bideo honekin beldur horren eragina dela jabetu gara.

Beste aldetik, aipatu nahi genuke, betidanik ezagutu dugun eskola sistema hizkuntzetan, matematiketan… oinarritzen dela. Bideoan esaten den bezala, hauek izaten dira garrantzia duten ikasgaiak eta, dantza, antzerkia, plastika… hierarkikoki maila baxuago batean kokatzen dira, eta modu batean, nahiko baztertuak gelditzen dira. Baina, zer dela eta hierarkia hau? Egia esan, ezin dugu eman galdera honen erantzun zuzenik, baina gure ustez, azken hauek matematika, hizkuntzak… bezain garrantzitsuak dira. Izan ere, gure ustez, ikasgai guztiek balio berdina izan behar dute, bakoitzak trebetasun desberdinak eskaintzen baitituzte.

Bukatzeko esan nahi genuke, lehen aipatu bezala, ikasgai guztiei garrantzi berdina ematea ezinbestekoa dela, izan ere, pertsona bakoitza desberdina da eta preferentzia desberdinak ditu. Hortaz, aukera ezberdinak eskaini beharko genituzke, horien artean gure gustukoena aukeratzeko ahalbidea izanik. Eta nahiz eta ikasgai bat bestea baino gustukoagoa izan, bakoitzak zerbait desberdina transmititzen digu, balore edo jakintza guzti horiek gure formakuntzarako beharrezkoak izanik.

Ikasgaiaren inguruko iritzia

Plastikako ikasgai honi dagokionez, lehenengo egunean klasera iritsi eta kurtsoan zehar egingo dugunaren informazio desberdina jaso genuen. Informazio horren inguruan, egia esanda, ez zaigu oso argi gelditu zer den landuko duguna. Hala ere, gure ustez, ikasgai honen asmoa da hezitzaile izango garenez ikasleei transmititzea plastikak uste baino garrantzia handiagoa duela eta hau lantzeko fitxaz aparte beste zenbait baliabide daudela. Honela, kurtsoa aurrera joan ahala, plastikako ikasgai honek duen helburua lortzea espero dugu.